Resultat vo dr A-Mannschaft

Meischterschaft gäge Trimstei A

Etzukofe A - Trimstei A

2 / 927  -  0 / 865

Meischterschaft gäge Wichtrach A

Etzukofe A - Wichtrach A

1 / 1041  -  1 / 1148

Meischterschaftswucheänd 17. u 18. Juni

17.+18.06.2017: Das Wucheänd wir wou aus eis vo dä Schlechtischtä vor HG Etzukofä i Gschicht iigaa. Weder d A-, no d B- Mannschaft heis gschafft s Riis suber z bhautä. Obschon doch für beidi Teams di Rangpünkt so wichtig wär gsi. Doch mir häbe üüs a dä paar wenigä positivä Sachä fescht wo trotzdäm no usegluegt hei. Sigs d B-Mannschaft wo irä 1. Platz ir Meischterschaft trotzdäm no het chönnä phautä oder d A-Mannschaft wo trotz dr miserablä Riisleischtig, sech mitemenä schtarchä Resultat am Bock du doch no ä Punkt erkämpft het. U s wichtigschtä wo für beidi Teams wou am meischtä zeut, isch das mir trotz dä schlächtä Resultat, s zämä no chöi guet ha u witer gmeinsam wärde witerkämpfä!

Habstettä A  -  Etzukofe A

0 / 1151  -  8 / 1187

Meischterschaft gäge Staudä-Dorf A

27.05.2017: Hööchs u Töifs. Nachdäm d A-Mannschaft am vorhärige Wucheänd so ä schtarchä Uftritt het gha, isch si im Spiu gäge Staudä-Dorf A brutau ufä Bodä zrügghout wordä. Trotz dä schwirigä Verhäutniss usswärts, het mä ganz klar verseit. Nid numä im Riis sondern o am Bockschtang. Grad 4 Nummero het mä sech müesse la schriibä u o bi dä Pünkt wär dütlech me drinngläge.

Doch i bi sicher dass das Team wird witerkämpfe. U zu üsem Glück si mir a däm Wucheänd nid di Einzigä gsi wo ä 0-er Rundi kassiert hei. Womit mir üs immerhin no chöii ufem 12. Rang hautä.

Staudä-Dorf A  -  Etzukofe A

0 / 1007   -   4 / 960

Meischterschaft gäge Krouchtu-Hueb A

21.05.2017 (09:00): Top Leischtig vo dr A-Mannschaft. Am vergangenä Sunnti het s A-Team ernöiit ä grossä Schritt uf irem Wäg ir Nati B gmacht. Mi isch gägenä starche Gägner aträtte, het kämpft u isch siigrich vom Platz cho. Nid numä dass mä sech im Riis erfougrich het chönne verteidigä, sondern o am Bock isch das Team über Sich usegwachsä. Mit dr Ungerschtützig vom Luft u zaurichä Träffer het me gäge Krouchtu-Hueb ä grandiosä Gliichschtang chönne useholä. U mi cha mit stouz säge dass das Resultat s beschtä isch, wo sit langer langer Zit erreicht worde isch. Das zeigt dass di Mannschaft ufemenä guetä Wäg isch. Si trotz Niderlage witerkämpft, zämehet u witer versuecht a dr gseutä Herusäforderig ir Nati B z wachsä.

Bravo Gielä

Etzukofe A - Krouchtu-Hueb A

0 / 1163  -  3 / 1163

Meischterschaft gäge Röthebach i. E. A

13.05.2017 : Leider isch das Spiu vom vergangenä Wucheänd nid zu de Gunschtä vor A-Mannschaft glüffä. Mir hei üs zwar trotz diversnä Abwäseheitä ä gueti Punktzau erarbeitet, doch im Riis het mä ganz klar verseit. D Verhäutniss si sehr schwirig gsi u d Nousse schwär zum gse.

Somit het mä ernöiit ä 0-Rundi kassiert. Doch mir luege positiv vorus u kämpfe witer. Denn trotz derä Niderlag hets o no schöni Erläbniss gä, es chunt ja normalerwiis nid vor das mä mitem Helikopter zumenä Spiu gflogä wird. Wenn mä jedoch ä Rundflug vo dä Hornusser gschänkt überchunt, isch wird o das mügläch...!

Röthebach i. E. A  -  Etzukofe A

0 / 1134  -  3 / 1063

Meischterschaft gäge Thörigä A

07.05.2017 (09:00): A däm verrägnete Wucheänd, isch d A-Mannschaft daheimä gäge Thörigä A aträtte. Dr Gägner isch ambizioniert gsi das Spiu für sich z entscheidä, u so het sech dr Schpiuverlouf du o abzeichnet. Mä isch am Bockschtang nid so richtig i fahrt cho, sigs dürä glägentlech Nisuräge, dr usgeprägt Gägeluft oder dür di Fäuschtreichä wo si gschlage worde. So ischs Resultat zum Schluss dütläch fürä Gägner usgfauä, doch zmindescht d Riisarbeit het möge verhäbe u so hei mir trotzdäm no 2 Rangpünkt chönne verbuechä.

Etzukofe A - Thörigä A

0 / 847  -  0 / 1017

Meischterschaft gäge Oberönz-Niderönz A

30.04.2017: Am vergangenä Wucheänd het iz o d A-Mannschaft iri erschtä Pünkt chönä verbueche. Es isch äs schwirigs Spiu gsi u d Nousse nid eifach z fingä. Doch es isch nid numä für Üüs schwär gsi, o dr Gägner het z kämpfe gha. So hett mä zum Schluss trotz emenä Punkterückstand, aber enerä suberä Riisleischtig, di wichtigä 4 Rangpünkt chönnä erbä!

Oberönz-Niderönz A  -  Etzukofe A

2 / 1159  -  0 / 1088

Meischterschaft gäge Arch-Oberwiu A

23.04.2017: S zwöite Meischerschaftsspiu vo dr A-Mannschaft het leider ernöit mit 0 Rangpünkt gändet. Es isch wider ä Nouss is Riis gheit u o i dä Pünkt hei mir Arch-Oberwiu nid mögä. Auerdings hei mir ä witerä Schritt uf üsem Wäg id Nati B chönnä mache. Mir hei äs guets Riis mit 283 Pünkt erziut u ä Gsammtpunktzau vo 1071 erreicht, das isch eis vo de beschtä Resultat sit langem!

Etzukofe A - Arch-Oberwiu A

1 / 1071  -  0 / 1129

Meischterschaft gäge Steinä b. Signou A

09.04.2017: O d A-Mannschaft het am vergangenä Wucheänd iri Meischterschaft agfangä, leider hets im Riis nid ganz möge verhäbe ud Pünkt hei o nid glängt. Doch mä lat sech vo däm Fäustart nid la beirrä u luegt sech, Schritt für Schritt, i di Nati B inezschaffä!

Steinä b. Signou A - Etzukofe A

0 / 1107  -  1 / 1024

2017 © hg-etzelkofen.ch