Resultat vo dr B-Mannschaft

UFSTIIIG vor B-Mannschaft

01.07.2017: Üses B schafft ernöiit dr Ufstiiig id 3. Liga. Nachdäm s Team im 2016 abgschtigä isch ischs Ziu für Aui klar gsi, ernöiit chönnä ir 4. Liga z dominierä. Dank emenä vorgspiutä Spiu u emenä guete Verlouf vor Meischterschaft, het sech die Mannschaft fasch di ganzi Seson ufem 1. Platz chönne hautä. U mitem Spiu gäge Bürä zum Hof B hei Si sech dr Ufstiig ändgüutig gsicherät. Das Bäriswiu am Wucheänd druf mitemenä Siig sech no dr 1. Platz gsicheret het, isch zwar schaad gsi, aber o miterä Siubermedalliä ischs cool dr Ufstiig z fiirä. Bravo B-Mannschaft für das tollä Meischterschaftsergäbnis.

Etzukofe B - Bürä zum Hof B

0 / 618  -  0 / 588


SpiulischtäSchnittlischtä B

Meischterschaftswucheänd 17. u 18. Juni

17.+18.06.2017: Das Wucheänd wir wou aus eis vo dä Schlechtischtä vor HG Etzukofä i Gschicht iigaa. Weder d A-, no d B- Mannschaft heis gschafft s Riis suber z bhautä. Obschon doch für beidi Teams di Rangpünkt so wichtig wär gsi. Doch mir häbe üüs a dä paar wenigä positivä Sachä fescht wo trotzdäm no usegluegt hei. Sigs d B-Mannschaft wo irä 1. Platz ir Meischterschaft trotzdäm no het chönnä phautä oder d A-Mannschaft wo trotz dr miserablä Riisleischtig, sech mitemenä schtarchä Resultat am Bock du doch no ä Punkt erkämpft het. U s wichtigschtä wo für beidi Teams wou am meischtä zeut, isch das mir trotz dä schlächtä Resultat, s zämä no chöi guet ha u witer gmeinsam wärde witerkämpfä!

Wasä-Lugäbach D  -  Etzukofe B

1 / 842  -  4 / 782

Meischterschaft gäge Moosseedorf

28.05.2017: Üsi B-Mannschaft isch uf Kurs. Ernöit het si chönne 4 Rangpünkt erarbeitä u nimmt iz wider d Füehrigsposition ir 4. Liga ii. Dank emenä Siig gäge Moosseedorf, miterä schtarchä Riisleischtig u meh gschlagnä Pünkt, hei si sech das Resultat verdient. Bravo und witer so!

Etzukofe B - Moosseedorf

0 / 685  -  3 / 662

Meischterschaft gäge Chappälä

21.05.2017 (13:00): Leider het d B-Mannschaft nid chönnä a d Leischtig vom A aschliessä. Si het sech zwar im Riis u am Bock Müeh gä, doch dr Gägner isch klar überläge gsi. Mi het du no 2 Nummeronüüs müessä i chouf nä, wo i dä schtüürmischä Verhäutniss dr Wäg is Riis gfunge hei. Zwar het o Chappälä, im Riis, 2 Gou kassiert doch dr Punktevorschprung isch schlussändle z gross gsi.

Chappälä - Etzukofä B

2 / 787  -  2 / 717

Meischterschaft gäge Wattewiu B

07.05.2017 (13:00): D B-Mannschaft hett ires Spiu am Sunntinachmittag nach dr A bestrittä. Si si uf Wattewiu greist um gäge s B-Team vo dört chönnä z spilä. Di Begägnig isch sehr intressant gsi u eher knapp usgange. Beidi Mannschaftä hei iri Riis chönnä suber phautä u so hei d Pünkt dr Usschlag über Siig u Niderlag gä. Doch d Ezukofer hei sech zum Glück chönne duräsetzä u hei das Spiu im zwöitä Umgang für siich entschidä. Somit het o d B-Mannschaft iri erschtä 4 Rangpünkt ir Meischterschaft 2017 chönne holä.

Wattewiu B  -  Etzukofe B

0 / 592  -  0 / 633

Meischterschaft gäge Bäriswiu

29.04.2017: D B-Mannschaft het iz bereist ires drittä Meischterschaftsspiu gäge Bäriswiu bestrittä. Trotz emenä guete Schlagresutat het am Schluss aber numä 1 Rangpunkt usegluegt. Wüu ernöit ä Nouss si Wäg is Riis gfunge het u d Bäriswiler irersits si suber blibä, het dr Gascht di 4 Pünkt chönne erbä!

Etzukofe B - Bäriswiu

1 / 714  -  0 / 672

Meischterschaft gäge Zäziwiu-Rütene C

22.04.2017: Zwöi witeri Rangpunkt trotz emenä Nummero. Somit bout d B-Mannschaft irä Punkteschtang uf 4 us.

Etzukofe B  -  Zäziwiu-Rütene C

1 / 740  -  2 / 574

Meischterschaft gäge Ätinge B

08.04.2017: S erschte Meischterschaftsspiu vo üserä B-Mannschaft, ä vorzognigi Begägnig gäge letscht Gägner vor Seson. U dürs Ändresutat bereits di erschte Rangpünkt ufem Konto.

Ätige B - Etzukofe B

2 / 571 - 2 / 697

Wettspiu gäge Busswiu bi Büürä

25.03.2017: Vorbereitigsspiu vor B-Mannschaft gäge Busswiu. Usswärts gspiut bi schönem, aber windigem Wätter. Nid ganz suber blibä, aber trotzdäm erfougriich abgschlossä mit 3 Nummero u 760 Pünkt.

Busswiu BE  -  Etzukofe B

9 / xxx  -  3 / 760

2017 © hg-etzelkofen.ch