Nöiikeitä

Nöii Internetsitä

04.04.2017: Wiukommä...! Mir hei leider die bishärigi Site hornusser-etzelkofen.ch müesse lösche, wüu si mehrmaus ghäckt worde isch. Drum finget dir itz d Hornusser Etzukofe unger hg-etzelkofen.ch und mit eme nöie Ufbou. Es isch no nid aues übernoh worde, aber mir schaffe dranne!

Der Vorteu vo der nöie Site isch, me chase ou ufem Handy abrüefe und aluege.

We dir no Frage heit oder Vorschleg u Tipps weit gä, mäudet öich doch uf d Mailadrässe web@hg-etzelkofen.ch


Öii Webbetröiig, Eveline u Jürg Zürcher

aktuelli Resultat

Feste 2017

Mittuländisches Verbandsfest z Urtenä 26. + 27.08.2017

Etzelkofen A

1. Stärkeklasse, 10. Rang

0 Nr. / 1597 Pkt.

Etzelkofen B

3. Stärkeklasse, 18. Rang

7 Nr. / 1008 Pkt.

Schnittlischtä B

Interkantonaus Fescht z Messen 19. + 20.08.2017

Etzelkofen A

2. Stärkeklasse, 3. Rang

0 Nr. / 1473 Pkt.

Etzelkofen B

4. Stärkeklasse, 14. Rang

10 Nr. / 998 Pkt.

Schnittlischtä B

Meischterschaft gäge Trimstei A

Etzukofe A - Trimstei A

2 / 927  -  0 / 865

Meischterschaft gäge Wichtrach A

Etzukofe A - Wichtrach A

1 / 1041  -  1 / 1148

UFSTIIIG vor B-Mannschaft

01.07.2017: Üses B schafft ernöiit dr Ufstiiig id 3. Liga. Nachdäm s Team im 2016 abgschtigä isch ischs Ziu für Aui klar gsi, ernöiit chönnä ir 4. Liga z dominierä. Dank emenä vorgspiutä Spiu u emenä guete Verlouf vor Meischterschaft, het sech die Mannschaft fasch di ganzi Seson ufem 1. Platz chönne hautä. U mitem Spiu gäge Bürä zum Hof B hei Si sech dr Ufstiig ändgüutig gsicherät. Das Bäriswiu am Wucheänd druf mitemenä Siig sech no dr 1. Platz gsicheret het, isch zwar schaad gsi, aber o miterä Siubermedalliä ischs cool dr Ufstiig z fiirä. Bravo B-Mannschaft für das tollä Meischterschaftsergäbnis.

Etzukofe B - Bürä zum Hof B

0 / 618  -  0 / 588


SpiulischtäSchnittlischtä B

Meischterschaftswucheänd 17. u 18. Juni

17.+18.06.2017: Das Wucheänd wir wou aus eis vo dä Schlechtischtä vor HG Etzukofä i Gschicht iigaa. Weder d A-, no d B- Mannschaft heis gschafft s Riis suber z bhautä. Obschon doch für beidi Teams di Rangpünkt so wichtig wär gsi. Doch mir häbe üüs a dä paar wenigä positivä Sachä fescht wo trotzdäm no usegluegt hei. Sigs d B-Mannschaft wo irä 1. Platz ir Meischterschaft trotzdäm no het chönnä phautä oder d A-Mannschaft wo trotz dr miserablä Riisleischtig, sech mitemenä schtarchä Resultat am Bock du doch no ä Punkt erkämpft het. U s wichtigschtä wo für beidi Teams wou am meischtä zeut, isch das mir trotz dä schlächtä Resultat, s zämä no chöi guet ha u witer gmeinsam wärde witerkämpfä!

Habstettä A  -  Etzukofe A

0 / 1151  -  8 / 1187

Wasä-Lugäbach D  -  Etzukofe B

1 / 842  -  4 / 782

wyteri Resultat

2017 © hg-etzelkofen.ch